| |  Pääleht |
| Uudissõ |
| Elo |
| Märgotus |
|
|
|
| | | | | | Harju Ülle, päätoimõndaja | | | | |
| | | Juhtkiri: Maainemise, tekke hellü! | | |
«Eesti riik tulõ Euruupa inimõiguisi kohtulõ kaivada!» ütel’ naabrinaanõ puulpäävä süämetävvega, ku naabrikülä kulupalamisõlõ sõitnu nii Antsla ku Otõpää tulõtõrjõmassin timä tiiristin ukõrdiva. Nä es lövvä õkvatiid Rebäste küllä üles, kaotiva kilomeetriid ja minotiid. Kanepi komando mehe muidoki põrotiva õkvatiid, a Kanepi komandol omma perämädse päävä – 16. lehekuu pääväst pand pästeammõt seo kinni.
Lihtsä maainemise omma hiitünü: kas riik tõtõst võtt maainemise käest viimädse?
Nakkas täütmä Mõisa Jüri plaani, et Eesti om üts suur Talliin ja kõik muu om tühermaa? Kas saa viil midägi är tetä, et nii es lännü? Kas Eestin tulõ kunagi regionaalpoliitika, nigu Norran, Rootsin ja muial? Uma Leht tege vallalõ regionaalpoliitika mõttõtsõõri. Seon lehen märgotasõ Kama Kaido ja Helmi Teet.
Järgmädsen lehen lätt mõttõtsõõr edesi. Hää võrokõsõ, ütelge uma sõna sekkä! Kirotaga vai kõlistagõ Umale Lehele. Kõva helü tegemine om ainukõnõ asi, mis või avita.
| | | | | | |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
