| Pääleht |
Uudissõ |
Elo |
Märgotus |
|
|
|
Seo ilma aigu avida-i sepäl ärelämises tuust, ku tä mõist ussõhingi, ahoruupõ ja hobõsõraudu tetä.
Setomaa sepp Jänesmäe Raivo käve oppusõl «Käsitüüga tüüle!» ja sai säält härgütüst, kuis vällä märki vahtsit ravvast asjo, midä inemise osta tahassi. Nii sündügi hobõsõravvast kell.
«Olõ joba mitu tükkü tennü ja ar möönü,» ütel’ sepp. Kellä iist küsüs tä 42 eurot.
Jänesmägi selet’, et kellä tegemine esi olõ-i suur vaiv. Suurõmb hädä om tuu, et paslikku kellävärki ja tseieriid saa-i lähembält ku Tartost.
Tõõnõ variants om osta kodolõ lähembält tõõnõ kell, lakja lahku ja säält seest tarviligu jupi võtta – tulõ odavambki.
«Käsitüüga tüüle!» näütüst saa Võromaa muusõumin kaia nikani ku 6. lehekuu pääväni.
Harju Ülle
| |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|