| Pääleht |
Uudissõ |
Elo |
Märgotus |
|
|
|
| | | | Harju Ülle, päätoimõndaja | | | |
Keväjä hõngo om kallendrikeväjä edimädsel pääväl iks kõvastõ tunda, nigu ütles seon lehen ka luudusõmiis Lepiski Arvi. Es olõ seo talv nii rassõ, ku pelläti.
Lummõ es tulõ nii pall’o, et mõtsaeläjä ja vallavalitsusõ olõsi hättä jäänü, külmä es tulõ nii pall’o, et maainemiisil olõsi küttepuu otsa saanu. «Seo keväjä tulõgi olõ üle elänü, inne järgmäst keväjät olõ-i vikadimiist pelädä vaia,» ütel’ tutva elotark vanainemine.
Mõni egäkeväjäne hädä tulõ siski viil üle ellä. Kõgõpäält tulõ maainemiisil «muaralli» – egä hummogu kaet, kas saat kotost vällä vai ei. Ja et tõist hätä veidemb ollu, pallõl’ sõiduoppaja Punsoni Madis nuurilõ miihile süäme pääle panda: kevväi om süämen, a inne ku sõitma nakkat, kae, et jala ja gaasipedaali vaihõlõ tsipakõnõ mutsu jääsi...
| |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|