| |  Pääleht |
| Uudissõ |
| Elo |
| Märgotus |
|
|
|
| | | Imäkeelepäävä koorikontsõrt Võrol | | |
18. urbõkuul kell 16 tulõ Võro kultuurimajan Kannõl imäkeelepääväle pühendet võrokeeline koorikontsõrt. Ette kantas minevä sügüse tõsõlõ võrokeelitside koorilaulõ konkursilõ tulnuid töid ja tõisi vahtsõmbit võrokeelitsit koorilaulõ.
Laulõtas konkursi võidulaulu «Veli viihädän» (sääde Seppari Evelin, viis ja sõna Rõugõ khk).
Tõsõ laulu omma koorilõ tennü Laanese Kadri, Ripsi-Laulu Piret, Kruusimäe Aare, Ritsingu Alo, Amori Mari, Kalkuna Mari, Uusbergi Pärt, Meistri Erki jt. Om nii segä-, miihi-, naisi- ku latsikoorilaulõ, eski kats punklaulu.
Laulva Võro segäkuur Hilaro, Võro Kreutzwaldi gümnaasiumi segäkuur, kammõrkuur NEH Tal’nast, Võro naisikoori Kannõl ja Tempera, Põlva naisikuur Mai, Põlvamaa, Haaslava ja Motomiihi kuur, Kreutzwaldi gümnaasiumi ja Parksepä keskkooli latsikuur.
Kõrraldasõ Võro selts ja Võro kultuurimaja Kannõl.Tugõva Võro valla- ja liinavalitsus, Eesti Kultuurkapitali Põlva ja Võro ekspertgrupp.
Kontsõrt om massulda. Kontsõrdi aol kitt Võro instituut võro keele ja kultuuri tundmisõ võistlusõ «Ütski tark ei sata taivast» võitjit.
UL
| | | | |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
