| |  Pääleht |
| Uudissõ |
| Elo |
| Märgotus |
| | |
|
|
| | | Üts hää tüümiis om väärt inämb ku kats kehvä |
| | | | | | Harju Ülle, päätoimõndaja | | | | |
Õigus om nii tüüandjal, et hääd tüümiist om rassõ saia, ku ka inemiisil, et hääd tüüd nal’alt ei lövvä. A tüüandja võinu märki külh, et ütele hääle tüümehele katõssa eurot tunnin massa või olla firmalõ kasuligumb ku kattõ lurru neläeurodsõ tunnipalga pääl pitä. Kongi om piir, ku õigõ tüümehe nakkasõ kaaldma, kas saanu vällämaa asõmõl iks koton tüüd tetä, väikumba palgaga külh, a saanu iks egä õdagu naist ja latsi kallista...
Töötukassa ja riigiammõtnigu võinu jäl arro pitä, et ku iks om vaia lihunikkõ, lauta nüsjit ja inemiisi tüüpinke taadõ, sis tulnu midägi tetä, et noid töid parõmbalõ oppi saasi. Ku inemine iks ei mõista rehkendä, et ku om tükütüü, sis midä inämb tiit, tuud inämb palka saat, mille saata tedä raamadupidämist opma, kon õnnõ rehkendämä piätki? Ja rõivast lillikeisi voltmisõ ja näomaalmise oppusõ riigi vai euroraha iist tulõsi hoobis är keeldä!
Ku inemisel om vaia tüüd, a tä esi ei tiiä, midä tä mõistnu vai sutnu tetä, sis pidänü avitama täl säänest ammõtit opma minnä, millega iks tüüd kah saat.
| | |
|
|
| | | | Uma Lehe välläandmist tugõva Vana Võromaa Kultuuriprogramm ja | | | | | | |
| | |
|
|
