Nummõr' 248 Vahtsõaastakuu 10. päiv 2012 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Kas külmäs kah lätt? Uudissõ   Põlvan oll’ suur lõõtsapäiv   Ilvesse Aapo Ungari eurolaulul Elo   Kandlõtegemise lust   Kultuuripärl Vahtsõliinast   Perimüskultuurilaagrin Märgotus   Hainsoo Meelis: liina tagasi ei taha külh inämb minnä! Juhtkiri Ruitlase jutt Kirä Vana pilt kõnõlõs Perämäne külg     Perimüskultuurilaagrin   Peedosaarõ Kaisa       Noorõ saiva laagrin lustlikkõ tiatrimängõ tetä.       Võro instituudi perimüskultuuri laagrihe tull’ üts poiss joba säitsmendät kõrda: laagrin tetäs egä kõrd midägi esierälist, kon vana kultuur om köüdet vahtsõ ao eloga. Seokõrd peeti laagri 4.–6. vahtsõaastakuu pääväl Ruusmäel. Säitsmendat kõrda laagrin olnu Ruusmäe poisi Tootsi Johann-Kristjaniga (13) trehvsi tiatrioppusõl, midä vidi nuur näütlejä Kalli Kait. Tetti lustlikkõ tiatrimängõ. Johann-Kristjan taht näütlejäs saia. Tä luut, et tuud ammõtit saa ka kodokandin pitä, selle et tä näge umma ello iks Võromaal. Et korvikudamisõ oppus kipõmbahe lännü, küsse Räpinält peri meistri Udso Urmas küsümiisi Võromaa kotsilõ. Laagrilatsõ hindasõ Võromaa inemiisi ja näide tegemiisi korgõlt. Võro Kreutzwaldi kooli tütrik Kikka Liis (14) selet’: «Tan omma mu juurõ ja seo kotusõ inemise omma hariligõst eestläisist parõmba.» Haani kooli poiss Lüüsi Priit (14) ütel’, et eski suurõmbahe liina elämä minnen saa sääl iks edesi umma kiilt kõnõlda, ku õnnõ tahtminõ om. Laagri viimätsel pääväl saiva latsõ Kärinä külän tutvas Nopri taloga. Perimüskultuuri laagrin käve 27 last mitmõlt puult vanalt Võromaalt.       Uma Lehe välläandmist tugõva Vana Võromaa Kultuuriprogramm ja           Uma Internetin