| Pääleht |
Uudissõ |
Märgotus |
Elo |
|
|
|
| Võro keelen lugõva parõmbidõ maalatsõ | |
Võro keelen lugõminõ lätt nooril peris ladusalõ, näüdäs’ ettelugõmisõ päiv «Kullõ, ma loe sullõ!» (9.11.)Võro latsiraamadukogon.
Lugõman käve 27 opilast ütsäst vana Võromaa koolist.
2.-4. klassi vannusõrühmän olli parõmba lugõja Telgi Gerda Loviise (Vahtsõliina kuul), Leonovi Kristjan (Pikäkannu kuul), Otsari Hellika (Parksepä kuul). Hää välläütlemise iist sai eräle kittä Simsoni Jörgen Joonas (Haani kuul).
5.-7. klassi vannusõrühmän olli parõmba lugõja Suurmanni Randy (Orava kuul), Põdra Mariliis (Krabi kuul) ja Mägise Ain (Krabi kuul). Eräle kiteti võro keele puhta välläkõnõlõmisõ iist Kikka Liisi (Võro Kreutzwaldi kuul) ja elävä lugõmisõ iist Zopa Raidot (Parksepä kuul).
Hindajidõ kogon olli Kalla Urmas Võro instituudist, Timmi Eve Võro latsiraamadukogost ja Kirchi Kerli Tal’na ülikoolist
UL
| |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|