Nummõr' 237 Põimukuu 9. päiv 2011 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Mõtsast leib lavva pääle Uudissõ   Võrokõisi saatkund Seto kuningriigin   Ökofestivaalil tetäs kodokanti kinämbäs   Tuu uma kell näütüsele tiksma! Märgotus   Mõtsa Kaire:umast kraamist saa hää süük ja avitat viil talopidäjit kah! Elo   Mesipuu talon talotöid kaeman   Suidsusannan saiva iho ja heng puhtas   Luuduskaitsja saiva kokko Pähnin   Võrokõisi kandlõkontsõrt Villändin Juhtkiri Kiri Ruitlase jutt Perämäne külg Hüvä nõu   Mesipuu talon talotöid kaeman   Harju Ülle info@umaleht.ee   Puulpäävä, 6. põimukuu pääväl kõrrald’ Mesipuu talo Kanepi vallan joba säitsmendä talotöie näütämise päävä «Rehepapi 7 ammõtit».       Tarto miis Soka Indrek uut, kuna tõrvaahost tõrva nakkas tsilkma. Edimäidsi tsilku tull’ uuta kolm-neli tunni       «Lihvitu kivi lätt egä kõrraga iks ümärigumbas!» muhel’ kõrraldaja, Mesipuu talo pernaanõ Krukovi Maie ettevõtmisõ õnnõstumisõst kõnõldõn. Tälle hindäle oll’ kõgõ huvitavamb kaia tõrvaajamist. «No kolm-neli tunni kütsevä kõvastõ, inne ku tõrvatsilga tulõma naksi!» ütel’ Maie. Tõrva aiva taa tüü oppaja Rennu Madis ja Soka Indrek.       Lambapügämist kaesõ huviga nii noorõmba ku vanõmba       Viil sai kaia ja oppi lastulüümist ja lastukorvi tegemist, palktarõ ragomist, teedä hobõsõ- ja lambakasvatamisõst ja muiõst vanaperätsist talotöiest. Timahava oll’ rahvast rehepapi pääväl hõrrõmbalõ ku varramba. «No seo kõrd tõmmas’ Seto kuningriik hulga inemiisi är, küläliisi käve alla 500,» selet’ Maie. «Et seol aol om nii pall’o ettevõtmiisi, sõs ei tiiä, kas tullõvaasta viil rehepapi päiv tulõ vai ei.»       Reimanni Indrek lüü lastõ                     Uma Lehe välläandmist tugõva Vana Võromaa Kultuuriprogramm ja           Uma Internetin