|
|
| | | | | ETV näütäs vilmi veeremaast |
Hummõn', 19. vahtsõaastakuu pääväl kell 22.25 näütäs ETV sar'an «Dokkaader» OÜ Ikoon vilmi «Vahtsõ ilma veere pääl», miä om kokko lõigat telesar'a «Veere pääl» jaos tettüist matõrjaalõst.
«Vilmi alossõs omma külh «Veere pääl» saatõ, a vilm' om kokko lõigat algmaterjaalist, mitte saatist,» kõnõlõs vilmi päälik Laiapea Vahur. «Tan vilmin om ka sääntsit juppõ, midä umal aol saatin es näüdätä.»
Laiapea Vahuri sõnno perrä käve tä üten Karro Silvi ja Brambati Piitrega kats' aastat Setomaad pite vilm'män ja kaemist väärt asjo sai üles võetus pall'o. Tuuperäst oll' rassõ valli, midä vilmi sisse jättä ja midä vällä visada.
Põrõhõlla om Laiapea Vahuril tüün viil üts' mi kandi asi – montiir'misõn om viieosalinõ saatõsari «Piiri pääl».
Taa jaos käve tä üten Püttsepä Juhani ja Spitsonoki Aivoga keväjä Eesti-Läti piiri veere ello vilm'män. Varsti saa sari ETV-n näütämises valmis.
Laiapea Vahur taht üten Kuigi Valentiniga Setomaast ka ütte vahtsõt vilmi tegemä naada. Mõttõn om vilm' Lõivu Juulist, kiä timahava Petseri Eesti kooli lõpõtas ja ka timä perrest.
Harju Ülle | | |
|
|
| | Kae, miä ütel´!
«Siin oll' pini!»
Kunstnik Navitroll'a ikk takan ravvast pinni, miä päti tält är varasti (SLÕL)
| |
| | |
|
|
