| |  Pääleht |
| Uudissõ |
| Märgotus |
| Elo |
| | |
|
|
| | | Juhtkiri: Nime võinu iks õigõ olla |
| | | | | | Harju Ülle, päätoimõndaja | | | | |
Seon lehen om kats luku nimmist: üts om tuust, kuis härksä inemine and’ teedä, et sillalõ võissi iks tuu nime panda, määnest rahvas pruuk, tõsõn and Saarõ Evar teedä, et Noarootsi kotussõnime omma silte pääl nii eesti ku roodsi keelen, nigu sääl elänü ruutslasõ näid kotussit kutsi.
Meil vanal Võromaal omma mõnõ valla (Rõugõ, Misso, osalt ka Lasva ja Sõmmõrpalo) tennü ammõtligus sändse külänime, nigu nä võro keelen omma. Tuu tähendäs, et nime omma silte pääl iks võro keele täpitähtiga, mitte eesti kiilde ümbre pantu, nigu tuud inne sõta suurõ eestistämise hurraaga tetti.
Et mõnt nimme om ümbre pantult küländ rassõ vällä üteldä (pruuvkõ kipõlt üteldä Vastseliina!) ja rahvas viil mäletäs ja pruuk jutu seen iks umakeelitsit nimmi, sõs võinu ka vanal Võromaal märki tuu pääle, et päält kihlkunnasilte võissi ka tõsõ kotussõnime olla sildi pääl nii eesti ku võro keelen: Linnamäe-Liinamäe, Metste-Mõtstõ, Laanemetsa-Lannamõtsa jne. Mi uma kotussõnime omma jo pandnu mi edevanõmba, neo omma väärt meelenpidämist. | | |
|
|
| | | | Uma Lehe välläandmist tugõva Vana Võromaa Kultuuriprogramm ja | | | | | | |
| | |
|
|
