| |  Pääleht |
| Uudissõ |
| Märgotus |
| Elo |
|
|
|
| | | Ärke jääge uma hädäga ütsindä! | | |
Mi kandi vähähaigit inemiisi avitas väega tuu, et Lõuna-Eesti vähiühingu all om meil uma Võro ühing, midä juht Jansonsi Silvi, lõpmada tüükas ja väsümäldä inemine. Sakõstõ omma mi kokkosaamisõ kuuh Tarto, Põlva ja esiki Valga rahvaga.
Piämi kuuh jõulõ, läämi suvõl üle-eestiliste suvõlaagrihe, käümi tiatrih. Perämäne kaeminõ oll’ Võro rahvatiatri etendüs «Loomad».
Kõgõ om huvitav kullõlda tohtri Suija Kaiu juttu, viimäne kõrd tä kõnõl’, kuis hindäga toimõ tulla, ja mis viil tähtsämb, kuis tõisi hindäsugutsit avita. Timä omgi Lõuna-Eesti vähiühingu president-lektor. Tä om nõuh ekäütte ka eräle är kullõma, küsümiisile vastama. Peräst dr Suija juttu om tunnõ, et sa ei olõki inämb nii ütsindä ja et pääle hindä om pall’o hullõmbit haigit. Õkva keremb saa.
Mis ma seo kõgõga üteldä taha? Kalli inemise, tulkõ kotost vällä, ärke jääge tarõnukka uma hädäga ütsindä! Kuulõti, näeti pall’o huvitavat ja saati ka tõisi hindätaoliisiga kokko. Vanasõnagi ütles, et jagatu murõ om puul murrõst.
Ma olõ kül väega rahul, et ma seo vähäühingu üles leüdse. Tennä kõiki iistvidäjit, kel om tahtmist ja jõudu seo rassõ tüü tegemises!
Jõgi Juta
| | | | |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
