| |  Pääleht |
| Uudissõ |
| Märgotus |
| Elo |
| | |
|
|
| | | Kevväi omgi tormamisõs tiiät toda Zorro? | | | kapral uma käega puhman puhtas higo torro
oppust alostadõn tulõ õhku laskõ pauk
kapral tollõn ammõtin om osavamb ku Zorro
perän laskmist taivalõ jääs nätä õhuauk
perän pauku veebel joba ütles mis mi teemi
kas meil tulõ võidõlda vai tulõ anda ala
meil ei olõ arsõnalin täämbädses purgeeni
vastadsõ mi taktikaga saami kõtust valla
kapral lasksõ müüdä nüüt om küläsannast pilpa
peremiis jäi lava pääle, vaht ku lammas vihta
õkvalt Zorro staapi ette kandma lippas
samagonni vabrikulõ saimiki vist pihta
nüüt om kästü olla esämaalõ ustav
siirsant lugõ kannu otsan ette manuaali
et kuimuudu Karlis nimmat Gustav
lupa mõtsu ümbretsõõri lakõs paigas maali
vastassit ku lehmi kar’amaal saa nüstüs
haina asõmõl las söövä nä granaati
takistuisist üle saami pikäle ja pistü
silmähamba lõikasõ ku näpits okastraati
tormami ja joosõmi ja ilmangi ei väsü
tiiämi mis tetä mi ei kopõrda ei kumbi
täüdämi ka targa veebel mõnõ ulli käsü
kuis kül paila pääle sai sääne jälle sombi
kevväi omgi tormamisõs tiiät toda Zorro
Don Diego Vega – är sa unõhtagu tuud
sõamiis ei näpi perän kevväitormi torro
ja tä süänd saa puttu õnnõ uma armsa pruut
Ruitlasõ Olavi (luudu timahavadsõ kaitsõväe keväjäoppusõ Kevadtorm jaos) |
|
|
| | | | Uma Lehe välläandmist tugõva Vana Võromaa Kultuuriprogramm ja | | | | | | |
| | |
|
|
