| | | 60 kirotajat – Uma Lehe jutuvõistlusõ record | | |
Uma Lehe säitsmendäle suurõlõ jutuvõistlusõlõ kirotõdi kokko 108 juttu, juttõ saadi 60 inemist.
Nii hulga kirotajit olõ-i varramba jutuvõistlusõl üten löönü (külh oll’ mineväaasta rekord-jutuvõistlus juttõ arvu poolõst: 150).
Kirotajit oll’ Põlva, Räpinä, Vahtsõliina, Rõugõ, Urvastõ ja Kanepi kihlkunnast, Lääne-, Harju- ja Ida-Virumaalt ni Tal’nast. Kah’os es lüü timahava jutuvõistlusõl üten Harglõ ja Karula kihlkunna võrokõsõ, näide käest oodami kimmähe juttõ aasta peräst.
Parhilla lugõ Uma Lehe jutuvõistlusõ þürii (Allasõ Tiia, Kauksi Ülle, Kalkuna Andreas, Sommeri Lauri, Ruitlasõ Olavi, Ojari Triinu ja Harju Ülle) hoolõga juttõ ja vali päält tuud parõmba vällä.
Timahavadsõ võidujutu hõigatas vällä Uma Lehe jutuvõistlusõ pidol 10. joulukuu pääväl kell 13 Võro instituudi saalin. Pitto omma oodõdu kõik jutukirotaja. Lehelugõja saava võidujuttõ kotsilõ teedüst 14.12 Umast Lehest.
UL
| | |
|
Pääleht
