| Pääleht |
Uudissõ |
Märgotus |
Elo |
|
|
|
Parksepä keskkooli suurõ juubõlinumbri avit’ kokko saia vana Lapi koolimaja, miä sais seoniaoni vahtsõ suurõ kooli man.
Seost vanast vereväst koolimajast omma lämmä mälehtüse kunagidsõl opilasõl Miti Ainol (88).
Aino mõistsõ pääle kõiki naid aastit oppajist – Sulõ Johannesest ja Laanõ Elsast – kõnõlda, edimäne koolipäiv oll’ täl kah selgele meelen. Viil jutust’ tä luu, kuis oppaja Sulg näile esämaalist kasvatust tekk’ ja küsse: «Noh, latsõ, mis seo lipp tähendäs?» Ku kiäki midägi üteldä es mõista, sis ütel’ oppaja Sulg esi targalt: «Sinise Eestimaa taeva all mustal mullal kõnnib VABA EESTLANE!»
Põranõ oppaja ja esi sama kooli lõpõtanu Palo Kalev (58) tekk’ kooliaol sporti ja tege parhilla kah. «Mu kooliaol oll’ iks talvõl nii, et kõigil olli suusa ja kooli takan mäe kooni Teppo taloni olliva kõik suusajälgi täüs. Nüüt olõ-i mitte ütelgi talvõl inämb jälgi sääl!» ütel’ tä.
Peedosaarõ Kaisa
| | |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|