Ku ma väiku olli, ütel’ ristiimä mulle: «Mul sulle midägi anda ei olõ, a ma oppa sinnu, kuis hinnäst sannan mõskõ.»
Lätsimi katõkõiste sanna. Ristiimä sis opas’, et sannan piät hinnäst üle kihä nii kõvastõ nühkmä, et nahk om verrev! Kuivatamist opas’ ristiimä niimuudu: «Hõõru käterätiga kõvastõ!
Midä karõdamb käterätt, toda parõmb. A nägu ja kaal piät kuiuma esi, noid ei või käterätiga kuivata, muidu tulõva kortsu.» Tuu om õigõ. Ma saa jo 70 ja kortsõ ei olõ!
Saaroni Erika Karulast Saarjärvelt
|