Nummõr' 66
Joulukuu 21. päiv
  • TOIMÕNDUS
  • OTSI
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
    Uudissõ
     
  • PRIA pügi põllumiihi
  •  
  • Jouluaol saa hääd tetä väiku kingitüsega
  •  
  • Näütüs nimmildä pildest
  • Elo
     
  • Toomiku perre joulusüük'
  •  
  • Käänüpäävä päiv jääs Kuuklamäe varju
  • Märgotus
     
  • Kallasõ Aare: egäst latsikodolatsõst saa kirota põnõva romaani
  •  
  • Käänüpäävä kombist
  • Kirä
    Esimuudu
    Perämäne külg
     
     
     
    Mõtsarahvidõ infotehnoloogia*
       
     Miiq, soomõugrilasõq, olõ mõtsarahvas. Mi olõ harinuq liikma mõtsan puiõ ja puhmõ vaihõl. Noq ommaq miiq jaos kätte tulnuq hääq aoq – täämbädse päävä üleilmalinõ puutrivõrk Internet om niguq suur' mõts.

    Meil, mõtsarahvil om naid ahtagõisi intõrnetimõtsa rato piten parõmb ja kodotsõmb liikuq ku lakõmaa rahvil, kiä ommaq harinuq suuri ja silehide teiegaq.
    Mi piät ynnõ mõistma umma loomuperäst parõmbust taan üleilmalidsõn mõtsan hindä kasus käändäq.

    Sääntse juht'mõttõ all peeti joulukuu alostusõn Jänedal seminääri «Infotehnoloogia soomõ-ugri muudu».

    Üteldi vällä, et egä väikene soomõ-ugri kiil', näide hulgan võro kiil' piät tävvelist ello elämä ka puutri- ja võrguas'andusõn. Piät olõma egäsugumaidsi umakeelitsit võrgulehekülgi, umakeelist teedüst piät saama lukõq ja kirotaq umakeelitside puutriprogrammõ abigaq.

    Tulõ vällä, et päält suuri riigikiili ungari, soomõ ja eesti omgiq võro kiil' lapi keele perän kygõ arõnõnumba puutrivärgigaq soomõ-ugri kiil'. Võro kiilde om jo pant õigõq mitu puutriprogrammi ja peris hulga intõrnetilehti.

    Võrokeelidse puutrivärgigaq tasos alostusõs tutvust tetäq võrokeelidse tarkvara kodolehe päält:
    http://math.ut.ee/~vlaan/vtk/vtk.html Tasos uuriq ka Võro instituudi kodolehte http://www.wi.ee ja Uma Lehe võrguvälläannõt http://www.umaleht.ee
     
    Jüvä Sullõv
    * jutt om vahtsõn kiräviisin
     
     
    Mis sa arvat?
     
    Ilm
    Uma Internetin
     
     
     Kae, miä ütel´!


    Kas teil tuud papõrd ka müügil om, kost tulõva aasta päivi nätä saa?


    Lõuna-Eesti vanapapi küsse Tarto kaubamajast kallendrit







     
       
     Uma Lehe sõbõr!