«Suurõ pilvõ» om vahtsõnõ lõunaeestikeeline ja -meeline plaat. Ilda aigu olnu Villändi folgil näütsi tegijä tuud edimäst kõrda vällä.
Tegijä omma Roose Celia, Kanni Tuule, Jürjendali Robert ja Urva Arvo. Kõik nä omma võromaalasõ, kolm edimäst sündümise poolõst ja Arvo suvõkodo asukotussõ poolõst.
Plaadi pääl omma Lõuna-Eesti rahvalaulu, instrumentaalpala ja vana kerigulaulu, kõik mõnusan Celia-Tuule-Robi-Arvo improvisatsioonilidsõn kompotin.
Laulõtas ja pille mängitäs kah: kannõld, toropilli, trummõ, kitrat ja tuu kõik kõlas kokko ilosalõ ja süämligult: kullõlsi näid nii Villändil kontsõrdil ku koton plaadi päält. Mu lemmiklugu om Hargla pulmalugu «Siili silmä».
Plaati saa küssü Võro instituudist.
Ojari Triinu
| |
|