| |  Pääleht |
| Uudissõ |
| Märgotus |
| Kultuur |
| Vana-Võromaa |
| Ummamuudu |
|
|
|
| | | Juhtkiri: Võrokõisi kokkosaamisõ kotus | | |
| | | | | | Harju Ülle, päätoimõndaja | | | | |
Uma Leht ja Uma Pido – läbi noidõ saa Võromaa inemine uman kultuuriruumin üten lüvvä.
Uma Pido om võrokõisi kokkosaamisõ ja ütenlaulmisõ pido. Umal Pidol saa võrokõnõ tunda esierälist võrokõsõs olõmisõ väke.
A pito peetäs üts kõrd mitmõ aasta takast. Uma Leht jõud inemise kätte egä katõ nädäli takast. Ja vahepäälitsel aol saa lehte kõlista vai kirota ja ilmaasjo arota. Ku toimõndusõga arota taha-i, sis hoolitsõs terävä keelega Ruitlanõ tuu iist, et naabri vai tutvaga vaidlõmisõ jaos matõrjaalist puudus es tulnu.
Ku müüt rükä, massind vai kutsikat, sis panõt Umma Lehte kuulutusõ ja võit kimmäs olla, et saat kaupa tetä õkvalt uman keelen. Ja muidoki saat lukõ, midä tõsõ võrokõsõ tegevä ja mändsit esieräliidsi juhtumiisi näil elon ette om tulnu. Tuu perämädse kotsilõ saadõtas egä süküs perädüsuurõ väärtüsega matõrjaali Uma Lehe suurõlõ jutuvõistlusõlõ.
Esieräline väärtüs om nail juttõl joba tuuperäst, et nä omma täpsele nii kirän, nigu om kõnõldu. Olõ-i eesti kiilde ümbre pantu. Ümbrepandmisõga läävä jo iks mõnõ kirivämbä ja mahlakamba as’a kaoma. Looda, et hää võrokõsõ avitasõ Umma Lehte iks edesi sisukambas muuta ja läbi lehe võro kultuuriruumi elon hoita.
| | |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
