Nummõr' 205
Lehekuu 4. päiv
  • TOIMÕNDUS
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • 28 vahtsõt Umma Laulu
  • Uudissõ
     
  • Sännan sai nätä Adsoni-võistlusõ vahtsõt väke
  •  
  • Põlva ehitüse-poodil umakiilne reklaam
  •  
  • Eloluuvõistlusõ võitsõ 97aastanõ võrokõnõ
  • Märgotus
     
  • Elleri Kalle: inemise nimi tähendägu iks midägi!
  • Elo
     
  • Kelbi latsi muusika-and om imäpiimäga üten antu
  •  
  • 25 aastaga 10 000 väikut kallendrit
  • Juhtkiri
    Savvusannan
    Ruitlase jutt
    Perämäne külg
     
    Eloluuvõistlusõ võitsõ 97aastanõ võrokõnõ
     
    Ühendüse Eesti Elulood timahavadsõ eloluuvõistlusõ «Minu elu ja seltsitegevus» pääpreemiä sai 97aastasõ Võromaa naasõ Rinne Anni jutt umast elost. Võistlusõl lei üten 34 inemist egältpuult Eestist.

    Võitja kuulutõdi vällä 29. mahlakuu pääväl Tarton kirändüsmuusõumi eloluupääväl. Rinne Anni kirot’ uman luun, kuis tä edimädsel Eesti aol Tsolgo algkuuli tüüle läts’, paikligun laulukoorin ja näütetsõõrin üten lei. 1940. aastagal tulnu Vinne võim lõpõt’ kõik taa är. Ku tollanõ Tsolgo koolijuhataja kinni võeti, pagõsi tüült ka Anni: timäst sai Võrosuu algkooli oppaja.

    Eloluupäivä juhtsõ eloluukogomisõ juht Hinrikusõ Rutt. Ette säeti ka vahtsit eloluukogomikkõ «Estonian Life Stories» (25 eestläse inglüsekeeline elolugu) ja «Elust elulooks: kuidas kirjutada elulugu».

    Umast elost oll’ kõnõlõma tulnu akadeemik, Riigikogo edenaanõ Ergma Ene: timägi elolugu om inglüsekeelitsen kogomikun. Ergma käest naati õkva ka poliitikaelo kotsilõ küsümä. Jutt jõudsõ sinnä vällä, et ull’ust lövvüs Riigikogongi. Üts Riigikogo liigõ oll’ näütüses küsünü pääministri käest: «Kas vulkaani purskasõ radioaktiivsit ainit?»


    Allasõ Tiia

     
     
     
     
    Uma Internetin
     
    Võro-Eesti
    sõnaraamat!!!