Nummõr' 197
Vahtsõaastakuu 12. päiv
  • TOIMÕNDUS
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Lõõdsakeskus Põlva
  • Uudissõ
     
  • Võrokõisi tsõõriklaud tulõ Karilatsin
  •  
  • Umma Pitto lätt pia 2500 lauljat
  •  
  • Lauluproovi «Naisilõ nurmõst» ja «Miihile mõtsast»
  •  
  • Moostehe rahvamuusikat tegemä!
  •  
  • Noorõ pidävä perimüskultuurist
  •  
  • 23. «Mino Võromaa» võistlus koolinuurilõ
  • Elo
     
  • Üte üü katõ katsigu saiva 15
  •  
  • Luminõ pildioppus Aderi Arnega
  •  
  • Põlva noorõ lauli vällä põh’avalgusõ tsähvi
  • Märgotus
     
  • Ruitlasõ Olavi: elämi üle Ansipi, Savisaarõ ja ka Padari valitsusõ
  •  
  • Võromaal olõt vaba
  • Ruitlase jutt
    Perämäne külg
     
    Viige ask mu hengest är!
     
      
     
    Ruitlasõ Olavi, ütiskunna valvõpini 
      
    Üts seto naanõ küsse, et mille täl piät kümme kõrda suurõmb prügükast olõma ku vaia lätt? Ma ei saa tuust arvo, mille inemisel ülepää prügükasti vaia om?

    Ma olõ poodist ostnu mustõ ja rohiliidsi prügükottõ, sääl omma ilosahe liitri pääl, pall’o sinnä mahus. Seonimaani ei olõ ütski prügüvidäjä mu prahti tuuperäst är veemäldä jätnü, et mul prügikasti ei olõ. Prügükast nakkas haisama, egäsugumadsõ patsilli ja pisiläse ronisõ sääl pääl, a puhtidõ kilekottõga om hää prügü õkva timä tegünemise aigu är sorti.

    Minevä kõrra unõhti prügükoti aia taadõ nõstmalda. Kuu lõpun sai arvõ: 19 kruuni tühisõidu iist. Massi tuu är ja mõtli: ku hää firma, tühisõit om inemiisile tõtõst odavas tettü! Kassu tuust muidoki ei olõ, a hää õks teedä, et personaalnõ autoteenüs «tühisõit» mass sama häste ku mitte s...agi!

    Üts prügisort om kilukarp, juustupakk vai muu sääne, tõnõ rämps jäl sääne, miä su hinge tsolk. Näütüses mi kolmõ päämidse telekanali aastavaihtusõprogrammi olli 90protsõndilisõlt tsolk. S..t, rämps, nimma kuis tahat!

    Presidendi kõnõ oll’ normaalnõ, «Tujurikkuja» kõlvas’ kah veidükese, «Erisaatõl» es olõ kah väega hätä, a perä? Ku mullõ lätt tühisõit masma 19 kruuni, sõs ma tahtnu teedä, kellele ja ku pall’o muptšik Normanni tühikargaminõ Edekabelin masma läts’?

    Kiä massõ kinni Kanal 2 aastavaihtusõ juumispido? TV3 «Vilde tee» oll’ pehmele üldä hallõ... Sääne s..t ei mahu määndsegi konteineri sisse... Mul om aastavaihtuspido ja ma piä tuust suurõ jao jobuansambli Kala lõugamist kullõma?

    Aastavahetusõ võti vasta Jõhvin, a protestis raharaiskamisõ vasta es lää seokõrd rakettegi kaema. Tuuperäst, et ilotulõstik om samamuudu tsolk. Nättäv tsolk. Mullõ miildüs taivas niisama, ku tä ei olõ palama pant ja savvu täüs.

    Lehest loi, et Tal’na paugu lätsi masma 60 000 kruuni, Võro liina viis minotit pikk tulõvärk massõ Maalehe perrä niisama 60 000.

    Tuust 20 000 läts’ liina ja 40 000 ollõv lännü Pommi-Jüri karmanist, kink karmani kotsilõ om kohus ilda aigu jo ummõhtõgi otsussõ tennü, et tuu om tävveste tühi.

    Ku kõik Eestimaal taivahe lastu tulõroojahus kokko arvada, saanu nii mõnõlõgi haigõlõ latsõlõ jala alla vai muudki hääd tetä. Võro liin tulõtas mullõ suurõ paugu ja lõugamisõga tühikargajat ullikõist miilde, kiä ei kannahta üle viie minodi, ja ku täl vallalõ lätt, sõs naasõst ja sängüst müüdä ja õkva lakkõ.

    Aastavaihtus om läbi. Tulkõ no Ragn-Sells ja Cleanaway ja veege mu hingest sinnä korjunu ask jälki minemä!


     
     
     
    Uma Internetin
     
    Võro-Eesti
    sõnaraamat!!!