Nummõr' 192
Rehekuu 20. päiv
  • TOIMÕNDUS
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Perimüsmuusiga opipäävä Moosten
  • Uudissõ
     
  • Lindora laada päält saa tähtraamatut
  •  
  • Üts väega makus päiv Varbusõl
  •  
  • Vahtsõn-Antslan maitsti 57 purgisüüki
  • Elo
     
  • Võromaa perändkultuuri jälgi pite
  • Märgotus
     
  • Uibo Toomas: riik võissi massu mõtsaumanigu kätte jättä!
  • Uma Lehe jutuvõistlus!
    Ruitlasõ jutt
    Kirä
    Perämäne külg
     
     
    Uma Lehe 2009. aastaga suur jutuvõistlus!
     
    Uma Leht kuulutas vällä joba viiendä periselt juhtunuisi juttõ võistlusõ. Loodami, et ka seo kõrd saadõtas meile hulga hääd lugõmist. Parõmba jutu trükümi är 2010. aastaga joosul. Noidõ kirotaja saava honorarri kah.

    Seo kõrd oodami võistlusõlõ kolmõ sorti juttõ:

    1. Periselt juhtunu nal’akas lugu

    Või kirota juttõ nal’aliisist johtumiisist hindä perren, tutvidõ-sõpruga juhtunuist vipõruisist, kala- ja jahimehenall’u, bussin, tohtri man ja muial kuultuisi ummamuudu jutuajamiisi jne.

    Väega omma oodõdu kirätüü tohtridõ, bussijuhtõ, autopoodi müüjide ja tõisi käest, kink tüü man pall’o rahvast käü ja egä päiv midägi nal’alist sünnüs. Jutu piäsi olõma periselt juhtunu (vähämbält piäsi kirotaja tuud esi uskma). Anekduutõ pallõsi mitte saata!

    2. Periselt juhtunu tõsinõ, piaaigu uskmalda lugu

    Egä inemine tiid vähämbält ütte luku, miä jääs elos aos miilde, olku tuu sis hindä vai tõisiga juhtunu. Tuu või olla kurblinõ, oppusõga, saatuslik vai muido esimuudu lugu, millest uman tutvustsõõrin pikkä aigu kõnõldas. Lugu, midä om rassõ vällä märki, a kae, ummõhtõ om periselt juhtunu.

    3. Lugu hindä vai tutva inemise parhillatsõst elost «Kuis ma (tä) ilma tüüldä jäie ja miä päält tuud saiõ».

    Lugu või olla nii nal’alinõ ku väega tõsinõ!

    Kuis juttõ saata:

    Egä inemine või saata nii pall’o juttõ ku taht. Jutt ei või olla inne mõnõn tõsõn lehen vai raamatun ilmunu.

    Egä jutt võisi olla kas eräle fail (ku saadõtas e-kiräga) vai kirotõt eräle paprõ pääle.

    Egän jutun piäsi kimmähe olõma kirän säändse as’a: päälkiri, mis aastal (ku ei mälehtä täpsele, sõs umbõs) lugu juhtu, täpsä kotussõnimi, kon lugu juhtu, jutu tegeläisi õigõ nime (NB! ku tahati, et lehen olnu teil vai ti juttõ tegeläisil tõnõ (vällämõtõld) nimi, kirotagõ tuu eräle luu lõppu mano!).

    Egä jutu (!) mano kirotagõ kimmähe uma nimi, aadrõs ja telehvoninummõr! Eri sortõ juttõ juttõ hindas 6liikmõlinõ þürii eräle. Oodami juttõ 17. märdikuu pääväni! Jutu saatkõ: info@umaleht.ee vai Uma Leht, Tartu 48, 65609 Võro liin. Tunnissõna: jutuvõistlus.

    Parõmbilõ kirotajilõ omma vana Võromaa ettevõtja avvohinnas vällä pannu hulga ummi ja häid asjo!

    Pääavvohind: Üts päiv katõlõ inemisele Verska sanatooriumin!

    Uma Lehe toimõndusõlt saa egä jutuvõistlusõlõ kirotaja Võro-Seto tähtraamadu 2010 ja om oodõtu jutuvõistlusõ pitto 4.12.2009. Parõmbilõ omma avvohinnas ka Uma Lehe hammõ ja koti, võrokeelidse raamadu, vana Võromaa sainakaardi ja priikutsõ 2010. aasta Umma Pitto.

    Uma Lehe toimõndus

     
    Uma Internetin
     
    Võro-Eesti
    sõnaraamat!!!