| |  Pääleht |
| Uudissõ |
| Elo |
| Märgotus |
|
|
|
| | | Torm tekk’ kurja | | | | Allasõ Tiia |
| | | | | | Riitsaarõ Lainõl om murdunu kõo peräst hallõ miil | | | | |
16. põimukuu pääväl kell 16 käve Lasva valla Paidra külä Kõrtsmanni talo man suur raksahus – tormituul murdsõ poolõs vana kõo.
Pernaasõlõ Riitsaarõ Lainõlõ tege taa asi murõht katõn mõttõn. Kõiv sattõ nuuri kuusi istandusõ pääle, tsurksõ kuusõloomakõisi umajago.
Tõõsõs käve Lainõ pääst läbi taa võrokõisi vana tiidmine, et ku vana puu elämise man häös, või tuu midägi halva tähendä.
«Ka mi Tammiku talun murdsõ taasama torm tammõ pia poolõs,» kõnõl’ naabrikülä Pindi miis Tamra Kait. Tammõ oss sattõ korsna pääle, kands jäi nii rippo, et oll’ katusõlõ ohtlik. «Päästeammõt ütel’, et ku inemise õkva ohon olõ-i, sis nä vällä ei tulõ. A meil olli ohon uma viis-kuus külämiist, kiä meile jo traktoriga appi olli tulnu.
Kae, naabrimehe omma iks meil õigõ päästeammõt: nä olli 10 minodiga mi puul kohal!» ütel’ Tammiku talo peremiis.
«Ei tiiä jah, tukõv tuul säändse üte jutiga tull’… Tunnus, et mi tammõkõisilõ es miildü vast tuu, et mõni aig tagasi sai näide alomiidsi ossõ võet. Ka tõõsõ puu mant oll’ üts oss jälki murdunu,» arvas’ Tamra Kait, kiä om kah vanarahva tiidmiisi kõrva taadõ pandnu.
| | |
|
|
|
