Nummõr' 187 Põimukuu 11. päiv 2009 TOIMÕNDUS UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Suvõülikuul and’ kimmüst Uudissõ   Võro kiil and’ Hauka laada pääl ärile vunki mano   Tuksam laulsõ Pokumaal   Karulan palotõdi sõõrdu   Võistlusõ «Mino Võromaa 22» kõgõ parõmba kirotaja Elo   Lustligu perimüsmuusigu Võrol   Midä hingega tiit, tuu lätt iks kõrda kah   Piaaigu patendiga joogikarman   Vana Harjumaa silt tii veeren Märgotus   Kaalepi Ain: olkõ rahul, et meil uma riik om! Ruitlasõ jutt Kagahii Perämine külg   Tuksam laulsõ Pokumaal   Rahmani Jan       Tuksami Jaak Pokumaal laulman       Pokumaa, Hauka talokotus. Riidi, säitsmes põimukuu 2009. Kuulda om ritsikide tsirrin ja latsi kilkamine. Hobõsõ aia seen hellü ei tii. Hellü ei tii ka vast viiekümnepääline publik, kes lava iin pinke pääl istus. A lava päält kostus viil üts helü. Tuu om Tuksami Jaak ummi ilosidõ laulõga. Mulgimaa miis Tuksam om elänü ka Võromaal. Arvada tuuperäst omma mõnõ timä laulu ka võro keelen. Laulõ vahepääl rahvas ei plaksuta. Tuksam ei anna ka väega võimalust, nii, ku laulu lõpõtas, nakkas mängmä vahtsõt. Tunn aigu laulnu, pakõ Tuksam lava taadõ. Kae, nüüt lätt plaksutaminõ valla. Ei lasta vaest Tuksamit inne minemä, ku tä om viil puul tunni laulnu. Õdak om illos. Tuksamit omma kullõma jäänü ka parmu ja kihulasõ, nimä rahva külge ei tükü. Ümbretsõõri om mõts, tsipa ligembäl hobõsõaid. Latsõ kilkasõ. Ritsika laulva. Tuksam laul. Kõik tuu kokko om väega illos. Säändse olli tundõ, mõttõ ja tegemise edimädsel suurõmbal kontsõrdil, mis Pokumaal kõrraldõdi. Pokumaa tsihtasotusõ juhatusõ liigõ Kärgenbergi Helina selet’ perän, et kimmäle om plaanin Pokumaal viil säändsit kontsõrtõ kõrralda. Timahava vast inämb ei jõvva, a tulõva suvi kindla pääle.       Uma Internetin   Võro-Eesti sõnaraamat!!!