| |  Pääleht |
| Uudissõ |
| Elo |
| Märgotus |
|
|
|
| | | Luulõvõistlus Adsoni avvos | | | Seo kuu 24. pääväl kell 14 tulõ Võromaa keskraamadukogo latsiosakunnan Sännä kirämehele Adsoni Arturilõ pühendet võrokeelidse loomingu ettekandmisõ võistlus.
Joba 11. sändse võistlusõ mõttõs om suurt luulõtajat miilde tulõta ja lukõ tõisigi kiränige võrokiilset loomingut. Edimäst luulõvõistlust peeti kümne aastaga iist Adsoni 110. sünnüaastapäävä avvos.
Võrokeelidse luulõ lugõmisõ võistlusõl võiva luulõtuisi lukõ kõiki aoluulidsõ Võromaa kuulõ eri vannusõn koolilatsõ. Egä kooli lugõja kand ette üte pala: Adsoni luulõtusõ vai mõnõ tõõsõ kirotaja võrokiilse luulõtusõ vai jutu (osa jutust).
Lugõmisõ pikkus ei või olla üle viie minodi. Hindaminõ käü kolmõ vannusõrühmä perrä:1.–4., 5.–9. ja 10.–12. klass.
Osavõtust pallõldas teedä anda Võro instituuti tel. 782 8753, 5117348 vai kadri.laube@wi.werro.ee nika ku 20.04.2009.
Võistlusõlõ kaema-kullõma omma oodõdu ka kõik võrokeelidse luulõ huvilidsõ.
UL
|
|
|
|
