Nummõr' 176
Paastukuu 10. päiv
  • TOIMÕNDUS
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Väkev pido Kihnu Virvega
  • Uudissõ
     
  • Võromaa pakk liinarahvalõ huvvi
  •  
  • Osolan oll’ aabidsapido
  •  
  • Sisaski Urmas näütäs tähistaivast
  •  
  • Viil tunnustust Uma Pido tegijile
  •  
  • Plaanitas näütüst Vahtsõliina kihlkunna sugupuiõst
  • Elo
     
  • Pensionääre pääväkiir
  •  
  • Tasoja-ravitsõja Sireli Pille om ka hingetohtri
  • Märgotus
     
  • Muusõum – hää ja otav!
  •  
  • Kalamiihi portreid Vagula päält: vana kala ja truksa noorõ
  • Kirä Kaasanist
    Kirä
    Perämine külg
     
    Hõissa, vastla!
     
    Teno ettevõtlikõlõ inemiisile eläse Võromaa külä umma egäpääväst ello, tekku sõs ammõdimehe sääl Tuumpääl ulluisi nii palïo ku tahtva.

    Meil olï 24. radokuul kolmõ külä vastlapäiv Voki külä Voki talo suurõ mäe pääl. Peimi ka vabariigi aastapäivä meelen. Kõiki latsi, nuuri ja vannoga sai meid kokko pia 50 inemist.

    Mäkke minek olï umaette läbielämine. Säält korgõlt oll peris «miljonivaadõ». Nii et piät jälki hõikama: ku illos olõt, Võromaa!

    Tetti võistluisi, huvitava olli ellojäämise-oppusõ mõtsan.

    Möllüs lätú sõs, ku mäest naati alla laskma. Iks nii, et kellel pikemb sõit, tollõl ilosamba ja pikembä lina, lahkõ latsõ ja tüüka käe. Pidolõ pandsõ punkti ütine uasupi süümine ja tsäivesi, umaküdset hää leib ja vastlakukli – ütengi reston nii hääd süüki ei saa!

    Osavõtjidõ puult tennä ilosa päävä iist krapsakit noorikit Evat ja Rutti, leeväküdsäjät Itit ja muidogi lahkõt perrerahvast Sirjet ja Ennu!

    Jõgi Juta

     
    Uma Internetin
     
    Võro-Eesti
    sõnaraamat!!!