| |  Pääleht |
| Uudissõ |
| Elo |
| Märgotus |
|
|
|
| | | Sisaski Urmas näütäs tähistaivast | | | «Tuu asõmõl, et aolehest horoskoopõ lukõ, võissi kaema tulla säänest esierälist asja, kuis planeet Veenus paistus parhilla nii koidu- ku ehatähena,» kuts helüluuja ja tähekaeja Sisaski Urmas huviliidsi 20.–22. urbõkuuni Ööbikuorgo tähti kaema.
Sisaski Urmas näütäs päält Veenusõ, midä pall’o heledüse peräst UFOs pidävä, ka muud esierälist, midä Eesti taivan nätä om. Et Sisask om teedä ka ku kosmosõ-helüluuja, sis saa Rõugõ rahvamajan ka timä ilmaruumi-kaemisõst sündünüt muusikat kullõlda.
Sisaski tähistaiva-jutt ja muusiga om üts osa astronoomiakonvõrentsist «Ööbikuoru tähed 2009».
Konvõrentsil om astronoomia-huviliidsilõ viil ütte-tõist huvitavat kullõlda: Kõiva Mare kõnõlõs väikuist ja suurist vankrist Eesti rahvaluulõn ja uskmiisin, tähetiidläse kõnõlõsõ planeetest, kaias teleskoobiga tähti ja päivä, juttu tulõ ka salaperätsest tummõst ainõst ilmaruumin ja pall’ost muust.
Teedüst saa Viitinä luudushariduskeskusõ juhi Tuberiku Toivo käest tel 507 6214, konvõrentsi kavva saa lukõ www.viitinalhk.ee vai www.vorumaa24.ee päält.
UL
|
|
|
|
