| | | Võromaa kingitüse võistlus | | | MTÜ Näputüüselts kuulutas Võro liina 225. sünnüpäävä tulõkiga vällä võistlusõ «Kingitüs Võromaalt».
Võistlusõ tsiht om väärtüstä Võromaa luudust, aoluku, inemiisi ja luvva kõgõ tuu põh’al seoilmaaigsit as’akõisi, miä pasva kinkmises.
Võistlusõlõ saadõtuisi asjo man kaias, et tüü olõsi häste tettü, matõrjaal ja värmi olõsi ilosa, asi passis kokko Võromaa umaperäga.
Võistlustöid saa saata vai viiä nika ku 30. mahlakuu pääväni (30.04.2009) Võromaa muusõummi Katariina 11, Võro. Tüü mano tulõ kirota märgosõna ja umatettü as’a lugu, mano panda kinnine ümbrik, kon seen autori peris nimi, telefoninummõr ja aadrõss.
Lehekuun kõrraldõdas saadõtuist as’ost muusõumin näütüs ja kuulutõdas vällä võistlusõ võitja. Teedüst saa Sepä Marika käest tel 5192 8199, sepamari@gmail.com
UL
|
|
Pääleht