Minevä nädäli lõpun kuuli Võro Selveri poodi ostja poodin ilosat tsirgulaulu.
«Mõtli, et tiiä-i kas tuud lastas maki päält, et inemiisil parõmb tujo saasi, a sis kai, et puuviläosakunnan hüples üts väiku varblanõ,» kõnõl’ üts poodinkäüjä.
Tsirk om küländ häie kombidõga ja inemiisi sekä-i, a poodijuht Začeki Pille-Riina ütel’, et nä tahtva iks tsirgokõist poodist vällä saia – tuu tege iks kurja kah sääl.
Püüdmä nä siski varblast nakka-i, puuti om innegi tsirkõ trehvänü ja peräkõrd lindasõ nä esi vällä. Tsirgu päsese puuti sis, ku kaupa tuvvas ja kaubalao uss’ vallalõ om.
Peedosaarõ Kaisa
| |
|