| Pääleht |
Uudissõ |
Elo |
Märgotus |
|
|
|
| Nõvvokoda avitas rahvarõivit tetä | | Timahava radokuun luud Lõuna-Eesti rahvarõividõ nõvvoandmiskoda soovitas ka võrokõisil inne näide käest nõvvo küssü, ku hindäle rahvarõivit tegemä naada.
Nõvvokoda seletäs, et parhilla juhtus sakõst niimuudu, et tandsu- vai laulurühm taht hindäle rahvarõivit, a jõvva-i inne muusõummi uurma minnä, mändse neo kõgõ õigõmba umakandi rõiva omma.
Perän omma rõiva tellidü, raha är massõt, a tulõ vällä, et rõiva olõki-i neo, midä taheti.
Lõuna-Eesti rahvarõividõ nõvvoandmiskua inemise tiidvä egä kihlkunna ja kandi õigit rahvarõivit, andva nõvvo pasligu matõrjaali ja hää rõividõ tegijä löüdmise jaos.
Nõvvoandmiskoda tege huviliidsilõ ka rahvarõiva-oppuisi.
Nõvvo saa ka telefoni ja e-kiräga. Lähkümbät teedüst saa Vaabla Janne käest tel 510 6341.
|
|
|
|