| |  Pääleht |
| Uudissõ |
| Elo |
| Märgotus |
| | |
|
|
| | | Aasta naanõ – Kauksi Ülle | | | Ettevõtlike Naiste Assotsiatsioon valisi Eesti timahavatsõs aasta naasõs Kauksi Ülle.
Taa ühendüse juht Ravva Jana selet’ pühäpäävätsen Kanal 2 Reportõri-saatõn, et aasta naasõ tiitli andas silmäpaistva teo iist, miä om tähtsä nii tervele Eestile ku ka laembalõ ilmalõ: «Kauksi Ülle om uma Taarka-näütemängu kirotamisõ ja seto kultuuri elloviimisega üts mi rahvuskultuuri alusõpandjist.»
«Ma olõ kõgõ eesti naisist luku pidänü, nä omma tüüka, ettevõtligu ja tubli, tenü näile om Eesti rahvas alalõ,» ütel’ Kauksi Ülle aasta naasõs saamisõ puhul. «Ma ei tunnõ, et ma olõssi kõigist parõmb, vastapite, et olõ võrdnõ ja soovi kõigilõ eesti naisilõ õnnõ, tervüst ja väke, et mi rahvast edesi kanda.»
Kauksi Ülle om peri Võromaalt Rõugõ kandist Pärlijõõlt. Tä om opnu aokirändüst, a saanu tuntus võrokeelidse kiränikuna. Kauksi Ülle om ka võrokeelidse aabidsa kokkosäädjä.
Parhilla eläs Kauksi Ülle üten uma perrega Setomaal Obinitsan.
UL
|
|
|
|
