| Võrokeelitside koorilaulõ võistlus | | Võro selts kõrraldas 2010. aastaga Uma Pido jaos võrokeelitside koorilaulõ ja säädide võistlusõ.
«31. lehekuul Kubija laululava pääl peetü edimädse Uma Pido kõrraldaminõ näüdäs’, et võrokeelitsit tekste om, millest saat laulõ tetä, a veidü om koorisäädit ja koorõlõ pasvit laulõ,» selet’ Uma Pido pääkõrraldaja Ojari Triinu vahtsõ laulukonkursi vällähõikamist.
Edimädse Uma Pido kavan oll’ regilaulõ, rahvalikkõ laulõ, klassikaliidsi koorilaulõ ja kuurõlõ säetüisi poplaulõ. Ku edimädse pido jaos koorisääde telliti, sis järgmädse pido jaos luutva kõrraldaja api seost konkursist.
Võistlusõlõ oodõtas nii koorisäädit joba luudu laulõlõ ku ka vahtsit koorilaulõ. Laulu võisi passi ekä sorti koorilõ (ühendkuur, segäkuur, naiskuur, miihikuur, latsikuur, poissõkuur, mudilaskuur).
Ku vahtsõ teosõ luumisõ man om pruugit rahvalaulutekste ja -viise, sis piät neo olõma mõnõst vana Võromaa katsast kihlkunnast (Karula, Harglõ, Kanepi, Urvastõ, Vahtsõliina, Rõugõ, Põlva ja Räpinä).
Parõmba tüü vali vällä þürii. Konkursi avvohinnafond om 35 000 kruuni.
Võistlustöid oodõtas 2009. aastaga vahtsõaastakuu lõpuni (31.01.2009).Teedüst saa tel 78 28750, 78 28752, 533 22 153 (Ojari Triinu).
UL
| |
|