Nummõr' 167 Märdikuu 4. päiv 2008 TOIMÕNDUS UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Kopra uputi tii är Uudissõ   Võrokõnõ Lattiku Jaan matõti Villändihe   Kotussõnimepäiv Võrol   Võrokeelitside koorilaulõ võistlus   Lindora laat – hulga rahvast ja hää ilmakõnõ   Võro keele nätäl 3.– 8. märdikuul Elo   Nõglaravitohtri imeht ei tii   Koolilatsõ: väiku kuul om kõgõ parõmb koolivägivalla ärhoitja! Märgotus   Palo Timo: vaimu piät triinma, muido lindas katus päält!   Valtoni Arvo: Opimi ütstõsõlt! Kirä Jutuvõistlus! Perämine külg     Võrokõnõ Lattiku Jaan matõti Villändihe   Puulpäävä, 1. märdikuu pääväl matõti vanalt Võromaalt Karula kihlkunnast Lüllemäe lähkült peri kerikuopõtaja, kirä- ja riigimehe Lattiku Jaani ja timä naasõ Alice’i põrmu ümbre Villändi vanna surnuaida. Avvotallitus oll’ Villändin Paulusõ kerikun. Ümbrematminõ tetti Lattiku 130 sünnüaastapäävä ja Eesti Vabariigi 90 sünnüaasta puhul. A mille matõti võrokõnõ Villändi, mitte Lüllemäe kalmuaida? «Tuu oll’ umatsidõ, noidõ siän tütrepoja Pätsi Matti ja veletütre Helbe Merila-Lattiku suuv,» selet’ Kotovi Toivo, 22. rehekuul Lüllemäel olnu Lattiku-teemalidsõ päävä kõrraldaja. «Lattik sündü Karulan, a oll’ iks 30 aastat Villändin keriguopõtaja.» Kotov kõnõl’, et Lattiku Jaan külh esi ütle es, kohe tä tahtnu matõtu saia, a et Villändi olnu õigõ kotus, tuud võisi vällä lukõ Lattiku mälehtüisiraamatist «Viljandi kirikumõis kõneleb» ja «Minu album». Villändihe om sugulaisil ka keremb kalmu kõrda tegemän kävvü ku Lüllemäele. Lattiku Jaan oll’ edimädse Eesti vabariigi aigu haridus- ja välisministri, keriguopõtaja ja kirämiis. Uman loomingun om tä värvikalõ seletänü Karula-kandi poiskõisi ello karula keelen. Lähembält saa Lattiku Jaani loomingust lukõ: http://www.wi.werro.ee/kirandus. Lattiku Jaan kuuli 27.06.1967 Stockholmin. Harju Ülle     Uma Internetin   Võro-Eesti sõnaraamat!!!       Uma Lehe sõbõr!