| Pääleht |
Uudissõ |
Elo |
Märgotus |
| |
|
|
| Vana Võromaa varamu uut tävvendüst |
| | | | Lõbu Ragner om esi vana-ao ehitüskunsti är opnu ja oppas tuud ka tõisilõ. | | | |
Ku mõistat vana-ao süüke tetä, piiliga kuta, õdagut juhti, lastukatust lüvvä vai muud tarvilikku-huvitavat tetä ja võinu tuud kuntsi ka tõisilõ opada – anna hindäst teedä vana Võromaa varamulõ.
«Otsi inemiisi (käsitüülidse, muusigu, tandsja, laulja, orienteerumis- ja spordioppaja, koka, seebikiitjä jne, jne), kiä kõnõlasõ võro kiilt ja võinu võro keelen umma tegemist vai oppust väikulõ seltskunnalõ opada,» seletäs varamu kokkokorjaja Laube Kadri Võro instituudist. «Sakõstõ küsütäs Võro instituudist inemiisi kotsilõ, kiä saasi tulla kohegi esinemä vai oppust läbi viimä. Olõs hää, ku om olõman teedüskogo, miä ripus Internetin ja huvilidsõ saasi õkvalt sinnä mano juhti.»
Parhilla om varamun kirän 25 nimme, kõgõ inämb om teedüst muusikidõ kotsilõ.
Laube Kadri ütles, et tarvilidsõ as’a mõistjalõ om varamust tuu kasu, et näütüses väikulõ palgalõ vai pensionilõ tsipakõnõ mano tiini.
«Peläkü-i hindäst teedä anda, ka väiku mõistminõ om tuud väärt, et tedä edesi opada!» julgustas Laube Kadri.
Olkõ hää ja andkõ hindäst vai inemiisist, kiä varamuhe pasnu, teedä tel 511 7348 vai kadri@lootspill.ee pääle.
UL
| |
|
|
|