| Pääleht |
Uudissõ |
Elo: |
| Vana Võromaa Karula kihlkund |
Märgotus |
| |
|
|
| Kivist poiskõnõ ja ei üttegi pinni. | | Mägiste bussipiätüse man sais kivi, miä märk är Lattiku Jaani kodotalo. Kivi sisse om raotu poiskõnõ, kiä näütäs käega Lüllemäe poolõ. Selge, taa om jo «Tiijuht». Ütle poiskõsõlõ aituma ja nakka astma. Karula kerigu poolõ.
Pini haukmist om kuulda, a tuu tulõ Mägiste talost. Arvada hauk valgõ Sampo. Tii veeren omma valgõ silopalli, eelektrikar’us kaits tiid eläjide iist. Vasta sõit üts võrrimiis.
Mõtsa vahel võta parra malaka – pinne jaos. A nigu vällä tulõ, ei tulõki mul tuud vajja. Tii pääle ei joosõ üttegi pinni, ei tuud verevät ega tuud tõist verevät. Tii om sirgõ ja tuu pääl sõitva suurõ auto, üttegi jala rändäjät silmä ei jää.
Edimäst pinni näe Lüllemäe keskliinan: väiku must taksipini postimaja trepi pääl. Ei usu, et taa om poodimehe «üüpini».
Niimuudu. Pinne inämb pelgämä ei piä. Tii om kah hoobis tõistmuudu. A Lattiku jutu omma õks jäänü samas. Seo sügüse saa 130 aastakka Lattiku Jaani sünnüst. Tuu om hää põhjus timä jutu vahtsõst läbi lukõ.
Rahmani Jan
| |
|
|
|