Nummõr' 161 Põimukuu 12. päiv 2008 TOIMÕNDUS UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Suvõülikuul Kaikal Uudissõ   Näütemäng mitmõst kuulsast kalamehest   Tulõ kolmas öko-pido   Kanepi raamadukülä edimäne raamadupäiv   Siska Johannesõ luulõtusõ kaasi vaihõl Elo:   Vana Võromaa Karula kihlkund   Mõts ja inemise   Terve elo Apja mõtsu seen   Lattiku kodotalon eläs nuur pere   Kivist poiskõnõ ja ei üttegi pinni Märgotus   Traksi Marko: mu jaos omma kõik võidu tähtsä!   Parksepä perrepäiv jäi laadalõ ja ilmalõ ala Perämine külg     Lattiku kodotalon eläs nuur pere       Lattiku Jaani kodotalo pernaanõ Jansoni Kadri pini Sampoga.       Harju Ülle ylle@umaleht.ee   Üts tunnõtumpi Karula miihi oll’ kirämiis, keriguopõtaja, ministri ja Riigikogo liigõ Lattiku Jaan. Kats aastat om timä Mägiste kodotalon elänü kolmõ latsõga nuur pere – inneskidse Tarto liina inemise.   Üts tunnõtumpi Karula miihi oll’ kirämiis, keriguopõtaja, ministri ja Riigikogo liigõ Lattiku Jaan. Kats aastat om timä Mägiste kodotalon elänü kolmõ latsõga nuur pere – inneskidse Tarto liina inemise. «Meil oll’ tahtminõ maalõ elämä tulla ja siin oll’ tutvit iin: Rõõmu talo rahvas,» kõnõlõs pernaanõ Jansoni Kadri (31). Tä om Talinast peri ja kõnõlõs eesti keelen, võro kiilt olõ-i tä viil är opnu. A tuu iist om külä päält võrokeelitsit sõnno miilde jätnü ja pruuk timä kuvvõaastanõ tütär Liisa. Lattiku Jaanist es tiiä Kadri edimält midägi, a sis lainas’ naabrimehe käest raamadu «Kui meil veel pükse ei olnud» ja lugi kõrraga läbi. Päält tuud oll’ hää tunnõ: käve latsiga läbi mõtsaraa Madsa kooli mano. Näkk’, et «Kelgumäe luu» mägi om iks säänesama nigu Lattiku-aigu. Tammõ-alleed talo mano kaes kah tõsõ pilguga, ku tiid, et tuu istut’ kuulsa kirämehe esä. Nii Kadri ku timä miis Sachrise Uve (33) omma eläjätohtri. Tüü om mõlõmbal Tarton, maaülikooli eläjäkliinikun. Mõlõmba käävä esi aol kats päivä nädälin tüül, kolm päivä saava terve perrega koton olla. Kõrra nädälin käü Kadri Lüllemäele flamenkotandsu oppama. Huviliidsi om kümmekund. Perren kasusõ päält tütre ka kolmõaastadsõ katsigu poisi. Tütrel om aasta peräst kuuli minek ja ei määnestki küsümist: muidoki lätt tä Lüllemäe kuuli. «Lüllemäe latsiaid om mullõ külh jätnü väega hää tundõ, ku Tarto umaga kõrvuisi kaia,» seletäs Kadri umma hääd kodolähküdse haridusõ uskmist. «Kasvataja omma väega väärika ja tundva uma tüü üle uhkust. Latsõlõ kah väega miildüs.» Kadri kõnõlõs, et näil om kolmõst tutvast perrest tsõõr, kiä ütstõist avitasõ. Nimä, Kukõ Rein uma perrega ja Rõõmu talo rahvas. Tuust tsõõrist saava kõik hulga väke mano, midä maal elämise man vaia lätt.     Uma Internetin   Võro-Eesti sõnaraamat!!!       Uma Lehe sõbõr!