Nummõr' 159 Hainakuu 15. päiv 2008 TOIMÕNDUS UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Pidolidsõ saiva leeväst väke Uudissõ   Varbusõlõ tahetas tetä tii-ilm   Ämariku juttõ raamat   Varas vei sildi «Vana Võromaa»   Tulõ põllumiihi päiv   «Mino Võromaa» võistlusõ parõmba kirotaja saiva avvohinna. Elo:   Vana Võromaa Põlva kihlkund   Miä om lõõtspill?   Massinamiis Vardjalt   Pedäjä ja vapikuus Märgotus   Näütemäng üte suguvõsa mälehtüisist   Kodo-kandilidsõ Missoh: väiku vihm pito es sekä!   Maakiil vai läti kiil – ku keelel tõsõ otsa käänät, võit kõnõlda kumba tahat Perämine külg     Varas vei sildi «Vana Võromaa»   Laatre-Antsla tii päält om kaoma lännü «Vana Võromaa» silt, sildivargust nakkas uurma politsei.   26.06–09.07 ao seen kaonu «Vana Võromaa» silt oll’ Antsla vallan, Laatrest 9,6 kilomiitret Antsla poolõ, sammu postõ otsan Võro maakunna sildiga (tuu om alalõ). Et sildist olli paiga pääle jäänü vallakruvidu mutri ja poldi, sis om arvada, et sildi vei är varas. «Sääne sildivargus om väega esieräline,» kõnõl’ Lõuna politseiprefektuuri avaligõ suhtidõ juhtjaspetsiälist Lillemäe Ave. «Mineväaasta varastõdi külh avaligu kiirusõmõõtmisõ silte ja pidimi neo lõpus kettega kinni pandma, mõni erävaldusõ silt om kah minemä viid, a säänest vargust mälehtä-i. Ku varga kätte saami, küsümi kimmähe, mink jaos täl seod silti vaia läts’ – taa ei olõ jo esiki kallist metallist.» Kaonu silt om Võro seldsi uma. Vahtsõ sildi pandminõ lätt masma mitu tuhat kruuni. Ku kiäki tiid varast vai avitas sildi üles löüdä, sis lupa Võro selts avitajalõ vaivataso. Lillemäe Ave ütel’, et nii kalli sildi vargus om kriminaalkuritego: karistussäädüstigu §199 perrä uut varast kas trahv vai eski vangimaja. 25 «Vana Võromaa» silti panti vällä katõ kuu iist, noidõ pruunõ siltega tähüstedi är aoluulinõ võro keele- ja kultuuripiir. Harju Ülle   Uma Internetin   Võro-Eesti sõnaraamat!!!       Uma Lehe sõbõr!