Nummõr' 159
Hainakuu 15. päiv
  • TOIMÕNDUS
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Pidolidsõ saiva leeväst väke
  • Uudissõ
     
  • Varbusõlõ tahetas tetä tii-ilm
  •  
  • Ämariku juttõ raamat
  •  
  • Varas vei sildi «Vana Võromaa»
  •  
  • Tulõ põllumiihi päiv
  •  
  • «Mino Võromaa» võistlusõ parõmba kirotaja saiva avvohinna.
  • Elo:
     Vana Võromaa Põlva kihlkund
     
  • Miä om lõõtspill?
  •  
  • Massinamiis Vardjalt
  •  
  • Pedäjä ja vapikuus
  • Märgotus
     
  • Näütemäng üte suguvõsa mälehtüisist
  •  
  • Kodo-kandilidsõ Missoh: väiku vihm pito es sekä!
  •  
  • Maakiil vai läti kiil – ku keelel tõsõ otsa käänät, võit kõnõlda kumba tahat
  • Perämine külg
     
     
    Varbusõlõ tahetas tetä tii-ilm
     
    Allasõ Tiia
      
     
    Rääski Mairo näütäs maketi päält, määne tii-ilm Varbudsõlõ tetäs. 
      
    Suurõtiimuusõumil om plaan ehitä Varbusõlõ pia 1,4 hektäri pääle ummamuudu (maa)ilm, kon saa tiid piten kõndi õkva nigu vanast aost seoilma-aigu.
     
    Mõtõ om sääne, et üte kilomiitre pääle tetäs sääne tii, miä nakkas pääle nigu harilik nurmõvahetii, edesi saa seost munakivi-, ruusa- ja lõpus asfaltbetoontii.

    Tii viirde pandas viil Valkla kõrdsi edesain, 1960. aastidõ peräotsa bendsujaama paviljon ja muud esierälist.

    5–12aastadsõ latsõ saava liiklusliinan mänguautidõga ümbre kärota ja 3–10aastadsõ uma platsi pääl vikurvändä-rata pruuvi.

    Tii-ilma luumisõ man om plaan ka Tilleorg kõrda tetä.

    Muusõumi direktri Rääski Mairo selet’, et niimuudu saa inemiisile häste elävält aoluku tutvambas tetä. Innekõkkõ olõs tuu tii-ilm põnnõv kaia perrile vai sis sõpru tsõõrilõ. Tii põh’aligus läbikäümises-kaemisõs kulunu uma kats-kolm tunni.

    Tii-ilma makett om valmis. Süküskuus saa selges, kas EASi (Ettevõtlusõ arõndamise tsihtasutusõ) käest saias tii-ilma jaos 44 miljonni kruuni eurorahha. Ku rahha antas, naatas timahavva sügüse ehitämä ja tii-ilm saa 2010. aastaga suvõs valmis. Edespiten taht muusõum ka parhillast suuri massinidõ majja suurõmbas ehitä ja tetä mano vanno massinidõ restauriirmistüükua.

     
     
    Uma Internetin
     
    Võro-Eesti
    sõnaraamat!!!

      
     Uma Lehe sõbõr!