| |  Pääleht |
| Uudissõ |
| Elo |
| Märgotus |
| | |
|
|
| | | Võrokiilne jutlus Urvastõ kerikun |
Urbanipäävä jutlusõ pidi Urvastõ keriguopõtaja Salumetsa Üllar võro keelen: «Oll’ õigõ aig ja õigõ kotus!» selet’ tä esi.
Salumetsa Üllar ütel’, et rahvast es olõ külh väega pall’o kullõman, a tuu iist olli tuul pääväl, 25. lehekuul kerikulõ tulnu säändse inemise, kiä pidävä umast keelest luku.
«Kiilt ei piä kõnõlõma šõu peräst, toda kuulsust ma hindäle ei taha,» selet’ keriguopõtaja. «Egä opõtaja taht, et jutlusõ sõnomit tähele pandas. Ku kullõsõ inemise, kelle meelest om esihindäst mõista, et elämi Võrumaal ja kõnõlõmi võru kiilt, sis omgi võrukiilne jutlus õigõl aol õigõn kotussõn.»
Salumetsa Üllar pand’ võro kiilde piiblisalmi 107, miä kõnõl’ tuust, et Issandat tulõ kittä – timä om hää.
Üts kullõja oll’ perän ütelnü, et panõsi keriguopõtajalõ taa jutlusõ iist hindes 4 – olõ-s vika, a saanu viil parõmbalõ, ku kunagi viil piässi tulõma hää juhus umakiilset jutlust pitä.
Harju Ülle
| | |
|
|
|
