Nummõr' 148 Küündlekuu 12. päiv 2008 TOIMÕNDUS OTSI UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Uma Pido miihikuuri tull’ 70 miist Uudissõ   Latsijuttõ võtja teedä!   Seto-ersa helütsõõr   Kodoeläjä ilma iist, ku mõistat pita   Kitsõkari sai tävvendüst Elo   Eläjätohtrõl piät hää närvi olõma   Kostabi Helmutil om olnu 150 puhkpilliopilast   Jälle lugu Märgotus   Taha-i prügümäke!   Hõrna Aare: ku nuur pidä hindäperrä olõmisõst, tulõ tä kodo tagasi! Kirä Perämäne külg     Kitsõkari sai tävvendüst Kuus Heiferi-kitsõ lätsi elämä Haanihe Trolla küllä Mängli Kalju ja Esteri (pildi pääl üten kitsiga) Jõeniidu puhkõmajja, pere kitsõkar’a tävvendüses. «Mi olõmi kitsi pidänü joba kümme aastat ja hädä om olnu, et kõik aig omma olnu õnnõ esädse tallõ ja olõ-i saanu kitsõpidämist laembas aia,» kõnõlõs Mängli Kalju. «Nüüt sõs tull’ võimalus, et puul ilma rahalda saasi kitsi arvu nõsta, et saasi naada juustu tegemä. Siiämaani seimi piimä kõik esi är ja juustu tetä es saa. Ostimi kuus nuurt kitsõ ja ku nuu sõs kõik poignõsõ, sõs nakkami juustu müümä. Juustutegemise tehnoloogia olõmi talvõ joosul piaaigu selges saanu.» Kitsõpidämise kõgõ suurõmb raskus om Kalju sõnnu perrä tuu, et piät kõikaig kaema, et nä kohegi vallalõ ei päse – sõs söövä kõrraga kõik puu koorõst pall’as ja uibil om lõpp pääl. Halva olõkiga omma kah: kiuslõsõ ja purõva ütstõist tagaotsast. A kitsõpiim om tuu iist parõmb ku lehmäpiim ja tuud omma kitnü ka kõik puhkõmaja külälise. Harju Ülle Mis sa arvat?   Uma Internetin   Võro-Eesti sõnaraamat!!!       Uma Lehe sõbõr!