| Pääleht |
Uudissõ |
Elo |
Märgotus |
| |
|
|
| | | | Ploomi Elmo üten naasõ Mare ja tütär Tiiuga inneskidse Eesti Vabariigi aol. | | | |
Hummõn saa sada aastat Võru¬maa kiränigu, aokiränigu, kodu-uurja ni luudusõmehe Ploomi Elmo (20.06.1907–1.08.1986) sündümisest.
Juubõlitähtpäivä tähüst’ Võru¬maa muusõum kiudutamisõ aastapääväl, 14. piimäkuu pääväl kündlide palotamisõga surnuaian Ploomi Elmo havva pääl ja muusõumin näütüse vallategemisega.
Sännä miis Ploomi Elmo, kiä oll’ noorõn tunnõtus saanu kirätüüga, kiudutõdi üten perrega 14. piimäkuu pääväl 1941. Võrru tagasi jõudsõ tä 1959. aastal. 1967. aastal naas’ tä tüüle koduluumuusõumin, sinnä jäi tä pikäs aos. Tä oll’ virk vanavara korjaja ja tekk’ kõvva kodu-uurmist ja luuduskaitsõ tüüd. Ja kõik tuu aig püsse kiräpulk täl kimmäle peon. Timä kirätüü, päämidselt inne sõta kirotõdu näütemängu ja lehejutu, miildü rahvalõ ummi koomiliidsi tegeläisi, nal’a ja võru keele pruukmisõ peräst.
Timä kirriv elu om üllen näütüsen, mink päämine mõtõ om kokku võet Ploomi Elmo hindä sõnnuga: eluga piät üten käümä! Näütüst saa kaia 15. hainakuu pääväni.
Valpri Liina
| Mis sa arvat? |
|
|
|