| Pääleht |
Uudissõ |
Elo |
Märgotus |
| |
|
|
| Räpinäl kõnõldi ummist asjust | | Rahmani Jan |
| | | | Tauli Ants Mulgimaalt mängse toropilli ja kõnõl’ mulgi keelen täämbäidsi pulmakombidõ tõsitsist hätist. | | | |
Põlva, Võro ja Valga maakunna kultuuritüütäjä tulli minevä neläpäävä kokko Räpinä rahvamajja, kon peeti konvõrents «Uman koton ummist asjust».
Edimädse ja pikembä jutu kõnõl’ Moori Argo Eesti maaülikoolist. Timä kõnõl’ kultuurõ muutumisõst. Moori sõnnu perrä oll’ 20. aastagasaa alostus väikeisile kultuurõlõ väega rassõ aig, suurõmba niildse näid alla. Kooliraamatidõ jutt, et kultuur arõnõs lihtsämbäst keerolidsõmbas, olõ-i õigõ. Täämbädsel aol omma muutusõ, kon suurõmba kaotasõ mõovõimu ja väikumba saava kimmä eloõigusõ.
Konvõrentsil peeti hulga ettekandit, miä pututi mikandi kultuuri. Kõnõliva Kama Kaido, Mäkeläineni Tapio, Pärnä Anton, Tubina Taago, Barkalaja Anzori, Ilmeti Kaupo ja Tauli Ants. Kullõjit oll’ kokko päält saa.
Loe mano intervjuud ja juhtkirja lk 2.
| Mis sa arvat? |
|
|
|