| |  Pääleht |
| Uudisõ |
| Elo |
| Märgotus |
| Intervjuu |
| | |
|
|
| | | Viikogonimeq õnnõ friisi keelen* |
Friisimaal ommaq siiäni inämbüs kotusõnimmi olnuq ammõtligult hollandi vai hollandi ja friisi keelen. No ommaq pia kõik Friisimaa umavalitsusõq otsustanuq tetäq ummi kanalidõ, järvi ja jõki nimeq ammõtligult õnnõ friisikeelitses. Õnnõ Harlingeni satam pruuk viil edesi hollandikeelitsit nimmi ja kats maakunda, kon kõnõldas rohkõmb alambs’aksa kiilt, tegeväq ammõtligus umaq alambs’aksakeelidseq nimeq.
Taa om tähtsä otsus friisläisi hindätiidmise jaos, selle et kõiki vahtsidõ silte ja kaartõ pääl nakkasõ no viikogonimeq olõma õnnõ friisi keelen. Taa tähendäs ka näütüses tuud, et seo suvi olõ-i Hollandi kõgõ suurõmbidõ purjõtamisvõistluisi pidämise kotus inämb hollandikeeline Sneekermeer, a friisikeeline Snitser Mar.
| | |
| Vepsä ja kar’ala uman keelen sildiq |
Inneskidsen Vepsä rahvusvallan Äänisjärve veeren ilmusõq seo suvi ammõtliguq vepsäkeelidseq külä- ja tiisildiq.
Sildiq tulõ-i vinnekeelitsidega üttemuudu valgõq-sinidseq, a kõlladsõq. Päält Vepsämaa on timahava viil plaanin üles pandaq kar’ala keelen sildiq Kalevala rajoonin ja tulõva aastaga Aunusõ (Olonetsi) rajoonin.
| | | | Väikeisi kiili sõnomilehe Eurolang ja sõnomilehe Vesti-Karelia perrä Jüvä Sullõv * kiräviis kirotaja tahtmisõ perrä | | | | Mis sa arvat? |
|
|
|
