Nummõr 123 Radokuu 27. päiv 2007 TOIMÕNDUS OTSI UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Umaperä tuu turistõ Uudissõ   Avvuhind võrokõisi uurmisõ iist   Raamat Eesti vabariikest   Võro maakunna koolilatsilõ neli olümpiaati   Kõllõstõ vald ots kultuurijuhti   Põh’a-Roodsin tulõ väikeisi kiili võikilaulminõ Elo   Sõamiis Partsilt mõtsa ei müü   Hobõsidõga tegelemine om Lehise Maivi ja timä perre elo Märgotus   Vahtsõt luhvti!   Laaksosõ Heli: ma ei mäledä asju kiräkeelen! Reportaaž   Inemise tahtva iks valima minnä Kirä Perämäne külg     Avvuhind võrokõisi uurmisõ iist   Fastrõ Mariko       Browni Kara mõnõ aasta iist Võro liinan.       28. seo kuu pääväl andas võrokõisi sõbralõ Browni Karalõ Ameerigamaal Baltimore’i liinan uma doktoritüü iist kätte haridusõuurja ja -edendäjä Gail P. Kelly nimeline avvuhind. Kara uurõ uma doktoritüü jaos võro keele oppamist ja Võromaa kuulõ nii Eesti ku Euruupa kontekstin. Avvuhinda and vällä Võrdõlõva ja rahvusvaihõlidsõ haridusõ selts esierälidselt hää haridusteemalidsõ tüü kirotamisõ iist, miä om ka umaperäne, hää metoodikaga, teoreetiline, häste är põhjõndõt, läbimõtõld ja ka lugõjilõ üle ilma huvitav. Browni Kara om ameeriklanõ, kel olõ-i Võromaal juuri, a timäst ja tä perrest om saanu suur võrokõisi ja Võromaa sõbõr. Umma tüüd kirotõn elli tä kõgõ perrega Võro lähkül, käve läbi mitmiid Võromaa kuulõ, kõnõl’ oppajidõ, latsi, ammõtnikkõga ja kai Eestimaa kooliello väega lähküst. Tuust kõgõst, miä tälle silmä jäi, kirot’ tä uma tüü, mink päälkiräs sai: «Kiilt opman: regionaalkeeline haridus Eestin rahvusvaihõlidsõ, rahvusligu ja paikligu kandi päält». Parhilla om Kara South Carolina ülikoolin dotsent. Täl om sääl parhilla pitä üts loeng «Kooli ütiskunnan». «Mu tudõngi kuuldva sääl ka kimmäle häste pall’o Eestist ja Võromaast,» om Kara varramba lubanu. Mis sa arvat?   Uma Internetin   Võro-Eesti sõnaraamat!!!       Uma Lehe sõbõr!