| |  Pääleht |
| Uudissõ |
| Elo |
| Märgotus |
| | |
|
|
| | | Vahtsit sõnno võro keelen |
Eesti-võro sõnaraamadu kokkopandmisõ tüürühm käü ütenkuun istman üle nädäli nelläpäivist. Märgitäs, kuimuudu määntsitki eesti keele sõnno vai lausit kõgõ parõmbahe võro keeli vällä üldä.
Muuhulgan om ao joosul vällä märgit ka vahtsit sõnno noidõ asjo jaos, midä mi maal innembi olõ-i olnu vai minkal võrokeelist nimme olõ-i olnu.
Alapuult võit mõnda noist lukõ. Sõna omma proovidu kokko panda vanno võro keele sõnno tarvitõn. | | | allergia üleherküs
aprikoos karvapluum, aprikuus
isikukood hindänummõr, eräskuud
kindlustus kimmätüs, kimmütüs, kinnütüs, taganus; elukindlustus elotaganus; autole tuleb kindlustus ära teha auto kimmätüs tulõ är tetä; tegin majale tulekahju vastu kindlustuse tei majalõ tulõkinnütüse pääle
külgetõmbejõud manokiskmisvägi
lumelaud visslaud, liuglaud
maitsetaim supihain, maitsõhain, maiguhain, maigukasv
melon melon, mesikürvits
mesinädal(ad) hähäkuu, nal’aga kudistamisõnätäl
meteoor lindtäht, lindaja täht, sadaja täht
mikrolaineahi kipõkütsäi
narkomaan narkomaan, hoimaull, rohohaigõ
Ku sa esi tiiät vai olõt kuulnu kah mõnt vahtsõt huvitavat võro keele sõnna, sõs kiroda vai kõlista meile! Meil om tuu üle ilmkistumalda hää miil.
Fastrõ Mariko
| | Mis sa arvat? |
|
|
|
