| Pääleht |
Uudissõ |
Elo |
Märgotus |
| |
|
|
| Ivaski Alberti kirätöie ja pilte näütüs |
15. süküskuu pääväl kell 13 tetäs Võrol Võromaa Muusõumin vallalõ välläpanõk «Albert Ivask – koolimees, loodusekaitsja ja kodu-uurija».
Kaia saa Ivaski kokko pantuisi raamatukõisi Võro liinast ja Võromaast. Noidõ siän om ka 1940. aastagal üten Vahtra Jaaniga kirotõt «Taevaskoda ja Valgemetsa» ja aokirändüsen ilmunu kirätöid luudusõkaitsõst.
Viil omma välän Ivaskile pühändedü raamadumärgi (ekslibrise),Võru Õpetajate Seminari nuuritsõõri 1926. aastagal vällä antu käsikiräline almanakk «Tõrvik nr. 5», kon om seen Ivaski tsehkendet pilt ja raamadumärk jm. Kaemisõs om vällä pantu ka Ivaski tettüisi pilte ja fotoalbumit.
Võromaa Muusõum uut näütüse vallategemisele kõiki Ivaski Alberti sõpru, tutvit, luudusõhoitjit ja kodo-uurjit, et ütenkuun miilde tulõta noid vanno aigõ, ku Ivaski Albert oll’ viil mi siän.
UL
| Mis sa arvat? |
|
|
|