| Pääleht |
Uudissõ |
Elo |
Märgotus |
| |
|
|
| | | | Päämidse kala ja sibulimüüjä olli vindläse. | | | |
Puulpäävä, 26. põimukuu pääväl sõidi hulga rahvast Setomaalõ Lüübnitsä, et hindäle talvõs sibulakott valmis osta. Sibula-, kala- ja käsitüülaat om taa külä peris kuulsas tennü.
Sibulikilost küsti laadu pääl säidse-katõssa kruuni. Poodin omma eesti sibula vähämbält kats-kolm kruuni kallimba.
Kalla müüdi veidü, kuivat kala iist küsti 20 kruuni. Peris piinüt ja kallist kalla oll’ kah saia: Karilatsi forell massõ 100 kruuni kilo.
Kultuuriprogrammin mänge lõõdsa Valgu Toomas, lauli võro laulumehe Ilves, Pulk ja Rahman jne.
Laadupäävä juht oll’ Meremäe vallavanõmb, kinkal om säändse laadu jaos väega paslik nimi – Sibula Piitre. Säänest laatu peeti Lüübnitsän joba kuvvõndat kõrda.
| | Mis sa arvat? |
|
|
|