Nummõr' 105
Piimäkuu 20. päiv
  • TOIMÕNDUS
  • OTSI
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Vahtsõliina laadu pääl
  • Uudissõ
     
  • Edimäne võrokõisi tsõõriklaud
  •  
  • Eestiaignõ lipp kaonu kodu mälestüses
  •  
  • Vahtsõnõ rongiaig ei passi mi rahvalõ
  • Elo
     
  • Maal om kõva tüüliisi põud
  •  
  • Muhumaal kõnõldas kah umma kilt
  • Märgotus
     
  • Tossu Enno: olõ kehv hingehoitja, mullõ passis käsitüü!
  •  
  • Piimäliitri sõit läbi ütessä tuhat versta, inne ku jõud jogurtipurgis inemise kodo külmkappi
  • Kagahii
    Kirä
    Perämäne külg
     
     
     
     
    Eestiaignõ lipp kaonu kodu mälestüses
      
     
    Mälestüsmärgi vallategemisel lehvnü lipp om Tsiberist kodu tagasi tuudu. 
      
    Minevä kolmapäävä tetti Mõnistõn vallalõ kaonu kodu mälestüsmärk. Tuu om ehitet Konnukülä Mäe-Konnu vai Küüni talu tarõasõmõ pääle.

    Vallategemise aigu lehvü poolõn vardan päivinännü sinimustvalgõ. Tuu om tuusama talu eestiaignõ lipp, miä läts’ 1949. aastal pererahvaga üten Tsiberide ja tuudi säält ka tagasi.

    Talu perrepoig ja avvusamba tegemise iistvõtja Uibo Enno ütel’, et imä oll’ lipu rõividõ vaihõlõ är käknü ja kuiki Tsiberin tull’ jutus, et taast saanu latsilõ hammit, jäi lipp iks katski lõikamalda. Es usu kiäki, et taad viil kunagi näüdädä saa.

    «A ku lipp 1988. aastal edimäst kõrda jahimajandi saalin vällän oll’, käve nii mõnõlgi mehel pidulavvan süük suun ringi,» kõnõl’ Enno, kiä eläs esi Viländimaal. Tä om uhkõ, et Mäe-Konnu talu man ei olõ kunagi ütegi võõra võimu lippu vällän olnu.

    Saarõ Evar
     
     
    Mis sa arvat?
     
    Uma Internetin
     
    Võro-Eesti
    sõnaraamat!!!
     
      
      
     Uma Lehe sõbõr!