Nummõr' 102 Lehekuu 9. päiv 2006 TOIMÕNDUS OTSI UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Lõõdsamängjist tulõ raamat Uudissõ   Kolmas võrokiilne Täheke   «Mino Võromaa» – 153 umakeelist kirätüüd   Tutipäiv Antsla muudu Elo   Maailmameistri imä   Inneskine mõtsavaht korjas vanno nall’o Märgotus   Imäst, latsist ja lehmist   Laine Andre: ku mul es olnu tandsu, sõs es olnu ka minno! Kirä Innembi Perämäne külg     Tutipäiv Antsla muudu   Raami Triinu       Antsla tutipidulidsõ: «Tohtri abilinõ» Hommiku Kerli (kural), «printsess» Pihlaka Pille ja «piraat» Dimitrijeva Julia.       Perämädse koolikellä päiv om kuulõn iks tutipäiv. Antsla Gümnaasiumin peeti tutipäivä minevä kuu 28. pääväl ja tenü 11. klassõlõ oll’ tuu väega nal’alinõ. Meid, koolilõpõtajit, uutsõ iin õhupallõ, linikide ja mänguasjuga ilusas tett klassitarõ. Kõik olli hinnäst põnõvalõ rõivilõ pandnu: oll’ satsõ, sleihve, põlvpükse ja põlvikit, kõnõlõmalda mänguasjust ja pulgakommõst. Meid viidi Antsla uulitsit piten jalutama, keskliinan tull’ tetä ummamuudu võimlõmist: kesk risttiid ohutussaarõ pääl ja politsei kimmä perräkaemisõ all. Muusiga tull’ autust ja nuurmiis-näio 11. klassist näütsi harotuisi ette. Vallamajan uutsõ meid vallavanõmb Tõntsu Tiit esi. Tä suuvsõ meile jõudu ja pand’ süäme pääle, et mi kodukotust peris är es unõhtanu. Koolimaja man tagasi, tull’ tetä viguridega teatõvõistlust, tsukrukoti seen hüpädä jne. Kõik lõpõtaja sai paprõ, et tuust linnuk tetä ja õhku visada. Klassijuhataja pidi linnuki üles korjama. Võitja pidi olõma tuu oppaja, kes rohkõmb saa, a mõlõmba oppaja sai ütepall’u linnukit! Kriitega joonistimi viil lemmikoppaja näopildi. Koolisaalin oodi meid väiku «nõia» – algklassõ latsõ, kel oll’ samal pääväl nõiapidu ja nä kõik olli väega vahvalt rõivin. Meile laulti kolm laulu, miä tuju hääs teivä. Perämäne laul miildü kõigilõ nii väega, et nõudsõmi tuud viil kõrd. Käsitüüklassi oll’ kohvilaud tett. Sääl olli 11. klassi, koolijuhi ja muiduki lõpõtaja. Direktor Kooli Heinar pidi kõnnõ, ütitselt kõnõlimi umist oppajist. Taad väega lõbusat tutipäivä jääs miilde tulõtama hulga ilusit pilte, autogrammõga mänguas’a, plakati, prügükast, madrats, aabitsa, ujumisrõnga, palli ja ilusa mälestüse. Mis sa arvat?   Ilm Uma Internetin   Võro-Eesti sõnaraamat!!!           Uma Lehe sõbõr!