Nummõr' 100 Jürikuu 11. päiv 2006 TOIMÕNDUS OTSI UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Räpinläisi murõ – tsolgit jõgi Uudissõ   Preemiä Kama Kaido mängmise iist   Sännä mõisan peeti Adsoni päivä Elo   Haanimiis «Väljalennuga» Egiptusõn   Alevi Silver: ilma autolda saa, huumorilda om rassõmb! Märgotus   Mulgi ja seto läävä iist är   100. Uma Leht: midä arvasõ tuntu inemise Umast Lehest? Kirä Kagahii Perämäne külg     Preemiä Kama Kaido mängmise iist   Laube Kadri       «Väidsetüü» jääs Kamalõ – Toropi Piitre (hääd kätt) nakkas Kama Kaido rollin madrussõ hammast opõriirmä.       Mõnistõ kandi nuurmiis Toropi Piitre (18) sai nädälitagutsõl nuuri näütemängutegejide Varstu Lõunafestivalil preemiä – tä mänge Kama Kaidot tükün «Ümbreilmareis». Toropi Piitre jäi päältkaejilõ ja hindajidõ «Akadeemialõ» miilde uma kodudsõ võru keelega. Kittä sai ka «Lennuki» kapten, peris-elun Varstu Keskkooli direktor Mändmetsa Maido, kiä oll’ saarõ keele selges opnu. Pruuli Tiidu ja Kama Kaido reisikirju perrä tettü ja Tätte Jaani laulõga «Ümbreilmareisi» säädse vällä Mändmetsa Lea. Toropi Piitre om kodukandin kõva uma keele ja meele hoitja: minevaasta oll’ tä ainukõnõ keskkoolipoiss, kiä kirot’ jutuvõistlusõlõ «Mino Võromaa» ja sai uma jahimehejutu iist ka avvuhinna. Piitre avit’ Varstu Lõunafestivalil ka kirämehel Contral võrukeelidse jutuga pääväkavva kuun hoita. Varstu Lõunafestivali kombõ alust’ Varstu nuuriklubi Kõgõkogo. 1. ja 2. mahlakuu pääväl peetü festivalilõ tull’ nuuri näütlejit Saarõmaalt, Rakverest ja muialt. Kats päivä olli tihtsäle täüs: tetti tiatrit, vihuti polkat ja reilendrit, kaeti üükinnu. Tiatritükke hinnas’ «Akadeemia» iinotsan Vaariku Andrusõga. Festivali edimädse päävä lõpõt’ Kalda Indreku ja Lunge Toomasõ kontsõrt, pühäpäävä hummogu laul’ herätüses seto nuuri kuur Tsibihärbläseq.   Mis sa arvat?   Ilm Uma Internetin   Võro-Eesti synaraamat!!!           Uma Lehe sõbõr!