|
Puulpäävä, 25. radokuu pääväl peeti Leevil sportlikku vastlapäivä. Ettevõtmisõ kõrraldiva MTÜ Võhanduveere, Noorõ Kotka ja Kodotütre üteh ummi juhendajidõ Kukõ Karmeni ja Urmasõga.
Vastlapito tull’ pidämä 87 inemist. Üritüs oll’ väega mitmõsugumaidsi tegemiisiga − sai õhupüssäga märki laskõ, esitettüside liumassinidõga (noid oll’valmis tettü 8 tükkü!) liugu laskõ ja külävaihõtiid piteh sõita, ao pääle suurt rassõt kelku vitä, mäest suusõga ja ilma alla laskõ, keppega kõndma oppi, vastlasüüke ja -juukõ pruuki.
Liiva Aasa jutt ja pilt
| | | Mis sa arvat? |
|
|
|